تعال ازرع صحاري الشوك بساتين وتعال ارسم دم عيني ابتسامات
تعال انثر محبه ابدرب السنين ورجعلي ؛ شعبر من عمري وفات
تعال وبالشمس غرك الروازين وعلا اخدودي التحبك صير بوسات
تعال امطر محبه وروحي نهرين ايتلاكن بالفرح والشوك روجات
ترف سيف الهجر سواني نصين علي الحك بقت بالروح ساعات
ماعيلن واغيظ واحمل الشين وربتني المصايب خوش تربات
ماانشد حبيبي الرادني وين ولاكصر عليه بيوم كلفات
عراقيين احنه وموش من طين مخلوقين من حب وكرامات
ولان عروكه بكلوب المحبين يظل واكف نخلنه حتى لو مات
عراقي انا ومحبتي من الفراتين اصلها وللطمع مابيها غايات
21/11/2007, 4:58 am
