اناس تشيل الخرز حتى تحبهة الناس
اوهية الخرزة تتمنة تشيلهة انتة
وبشوفتك اسكر بدون الكاس
ذلتني بمحبتك الحيرة والسكتة
سميتك حبيبي من دون كل الناس
والعهد وياك ابد ماخنتة
لاتمنعني من كلمة حبيبي.ياعطر بالانفاس
ياقداح وررد بغير وكتة
ياشريان روحي يمحرك الاحساس
خلي خيط المشاعر ارجوك لتعتة
يانسمة شتة اوبرد اليمر عناس
هنيالة التلفلف ابحضنك اوشتة
صرت انتة لحزنتي والفرحتي مقياس
او تداوي جروح كّلبي اوتعرف ابعلتة
تروح الدوامك وانة أضل وهواس
حاير بيك وبرجعتك يمتة
كّلي احبك خل نقرع الاجراس
اوخل يرتاح كّلبي اوتنكّطع ونتة
لاتجبرني اصير بيوم علاس
وجيبك غصب وكّلروحي جبتة
1/11/2007, 10:48 pm
