Admin Admin
عدد الرسائل : 197 تاريخ التسجيل : 15/10/2007
| موضوع: شفت وردة 1/8/2009, 12:59 am | |
| شفت وردة بحنان الدنيه كله اتفيض تتمايل حسن وتخبل الورده انتشى بيها الندة حاضنها حضنة موت سكر بيها الجمال وما عرف رشده من تضحك تموت بيها تسبي اعقول وتشتت اعقول الوادم بشده معنى الورد كلة بخدها يمكن صار لا قبلة جمال ولا اضن بعده فراشات الحسن يمها تحوم بشوك تتمنى عسل شفتها وتوده واتصور ورود الكون كلها اوررود بس هي ورد اوباس الورد خده على الوجنات سطع نور وگمر مرسوم والشامة نقش يم خدها تتحده يعني من اريد اوصف خدها هذا اليوم يضل زعلان مني گيمر السده وبرگات الشتة تعترض مني ابساع وما يطلع برگ بس ينسمع رعدة يا لمعة شمس تعكس وسط لغيوم لا تطلع صبح وتضوي بشده ترة اگلوب البشر من لحم مو فولاذ وانتة الجبل هذا بحسنك اتهده هنيال اليشمك ينتشي بخديك ويعضعض اشفافك اومنها يتغده يل كلك حنان وتسبي روحي وياك بس انتة بحنانك حزني تسده تعال اكرب يخايب شمتك دنياي واعيونك الموت وخدك الوحده راح اتخيل بحضني تبات ابيوم وما اعتقد تخلص يمكن المدة اله اسكيك روحي وكلبي وي اعضاي هلا يا ماي عيني لجلك اتبده ما اريدن اشتم بس اضل مجبور لان الشافك انته يحترك جده
| |
|