يل خذيتي الروح ورقه رسم بيدج والمشاعر والعواطف جن حدايق شوك كلها امورده
يل خذيتي الكلب دفتر ذكريات ابقلم حمره اتخططينه وقلم كحله ايحدده
دوسي بالفرجال حيل اعلى الكلب واخذي بالتقدير لعب الجيده
وهيه موده ابهل البنات الماتحب اثنين ماهي من البنات امخبله ومتعقده
ياما خسرتيني ببسي وياما خسرتيني شربت جنت اداين وادفع احساب الغده
ياما انا وياج امكاود مشينه ويامه غيبه على البنات اشكد خذينه
هوه حظي الماعرفت اشلون اوالف معرفت جيب الحبيب ابكل سهوله اتفرهده
انطي وانا الشوك بيه وكل وكت جايب هديه اتفضلي ياست الحبايب رمز للحب والوفاء الخالده
اشكرك جدااا حبيبي بتنعوص اتكول العباره وانه من اتكول العباره تنشال كل هموم الدليل الزايده
ويافرحتي ابيوم كالت هذا رقمي وراح اضل لاجلك اتاني وكاعده
وانه كلما اخابرها ايصاحبني فكري نوبه ابوها ونوبه اخوها والرزايل بيه حيل ومتعدده
ومن تجيني وارد اعاتب اتكلي لا تعتب حبيبي هذه بالحب كلش عادي اوارده
جنت اغار من الكتاب الي بين ايديها لان كل يوم تحط صوره فنان واتجلده
نوبه هيثم نوبه حاتم نوبه راغب نوبه كاظم صور كل المطربين ابمحفظته وصورتي جوه جربايته
اضنها امسرده..........