فطمني اهموم ثدي الوكت صبري
وعلي صب المصايب صار صب ري
لو ايوب يجي ويشوف صبري
وعلي جان استحه ويلوذ بيه
احبابي واعز من صحتي صحتهم
جفوني ولا ضمايرهم صحتهم
بديه اعمت وبلساني صحتهم
اسمعو شافو ولا كالو خطيه
شخلص يافرح واشوكت شفتك
وتطوقت ابغرامك حين شفتاك
مريض اني وداويه ابرشف شفتك
تصل لشفاي واشفى من المنيه
كبل لاتصير بيضه وجنت محبس
صغتلك روحي انا اصياغ محبس
ابطن امك انطرك وانته محبوس
التسع تشهر قرن صار عليه
ابمنخل احزان الزمن حط العمر ينخله
اشكد صعبه ماي النهر من مايه اذا ينخله
والي يمر ابعسر ماعنده غير ينخه الله
بعد الله انخه منو؟ انخاه ويصبح كرب
فلاح غير حصد وفلاحي توه كرب
مليت وك ياكلب بي الجذع لامن سعف لاكرب
ويوميه هزي رطب هزي رطب ينخله
يادمعه العين سالت على الخدود و جرت
ومثلي على الناس ماصارت مصيبه و جرت
والنار بالدلييل شبت بالضلوع و جرت
اطول يد النذل وانا اكصرت يدي
ويضل جرح الكلب ياهل الربع يدي
ليه ماتراعون حك المصطفى يدي
معلوم مذنب ولاكن ماطغيت وجرت
كال الربع بينو كتله الربع ضلو
كلي اشعجب مااجو؟ كتله اعتقد ضلو
كلي تعرف السبب كتله السبب ضلو
درب العلينه صعب لو عاذلي المرهم
كلي طبعه شنو؟ كتله الحلو مرهم
كلي اذا ماجو كتله العذل مرهم
كلي شو ظلمت كتله الربع ضلو
تركني ابغير مابين ميالي
عليه وصار مايوسع ميالي
طحت ويشوفني صحته ميالي
ومنع كلمن طلع يفزع عليه
حبيبي امولع ابشوكك ولع صاب
وضكت مر الهوى لاجلك ولع صاب
بعد ماضل صبر عندي [size=29][/size] ولا اعصاب
ترى هاجت واللخلل بين عليه