رضينه الإحتلال بحجة التحرير وشعلنه شموعنه وبغداد شعلوها أنهضمنه..ومارضينه الإحتلال يفوت وفوگ المارضينه السرف مشوها دعوني البارحة بحفلة عرس بغداد دموع من الوطن للوطن دفعوها وطن عّريس وعزوبية أمريكان وبطايق زفته بالهمر ودوها وگعدت لوحدي بشارع يصيح الغوث وجه وبگصته اللچمات طبعوها وجابوهه وأجت بس اشأجت بغداد حته عيونهه من اللطم شلعوها أجت بدلة عرسها البيضه دم و نار الأنذال من الصدر للچعب شگوها وبدل شدة ورد جابت بديهه دموع ومو من ايدهه من الشعر جروها ماچنهه بعرس چنهه بحفل تشييع عالدبابه تمشي الحلوه جابوها شفقات وخوذ من كل فصيله ولون تنطيهم زلم وگبور ينطوها فضوا چم بكاره بساحة التحرير وقضية ساحة التحرير فضوها وأجه العريّس محني وعمره ست آلاف چي تنزف حضاره عيونه شدوها گعد مكسور خاطر والظهر مكسور من شاف العلم ساريته كسروها يعاين عالحفل شو كلهه غربه الناس! أجت وادم غرب والعرف طشوها بس بغداد أجته وعرفته من بعيد حضنهه وحضنته والدنيه بچوها وحجتله شلون شعلوا بالمخيم نار من سلبوا خدرهه وصاحوا أخذوها شلون مسلبه يودونهه لتكساس بس مو عالهزل عالدرع ودوها شلون مچتفه وشلون عدهه أيتام شلون الحسره تطلع من يشتموها لطم وجهه العراق وصاح ياكرار وينك ياعلي بغداد باگوها ونزفت عينه دم ومن بچه شافوه باصابع من رصاص عيونه طفوها وخذوه جثه وبقت بغداد بس تصيح مبارك بس حلقته وياي خلوها وجابوا حلقه بس مو ذهب من حبال صعدوا عالمنصه وبيهه شنقوها
تقبلوا احترامي
صفاءءءء عضو شغلة حلو
عدد الرسائل : 91 تاريخ التسجيل : 16/11/2007
موضوع: رد: عرس بغداد 24/1/2008, 12:17 am
ليش هيج ست قطر الندى والله نزلن ادموعي كلام كلش حلو ووصف بعد احلى عاشت ايدج على هذه المشاركه ماكول غير الله ايسامحج لان احتركت اعصابي ابهاي القصيده وتقبلي مروري
Admin Admin
عدد الرسائل : 197 تاريخ التسجيل : 15/10/2007
موضوع: رد: عرس بغداد 24/1/2008, 10:24 pm
شكرا لهذه المساهمة الاكثر من رائعة وصف دقيق ومحزن انشاء الله ياتي اليوم الذي نزف به بغداد للعراق العظيم وتنشاء في احضانه تقبلي تـــــحياتـــــــــــي
قطر الندى عضو زين
عدد الرسائل : 35 تاريخ التسجيل : 07/12/2007
موضوع: رد: عرس بغداد 25/1/2008, 12:19 am
يسلمو خيوو على هذا المرور الجميل استاذ صفاء .منريد الرجال تبكي لان الاعتماد عليهم في ارجاع بغداد الى احضان العراق شكرا لمروركم تقبلوا احترامي
اسير الروح عضو زين
عدد الرسائل : 33 تاريخ التسجيل : 24/11/2007
موضوع: رد: عرس بغداد 25/1/2008, 2:48 am
كلمات جدا مؤثرة عاشت الايادي تقبلي مروري
قطر الندى عضو زين
عدد الرسائل : 35 تاريخ التسجيل : 07/12/2007
موضوع: رد: عرس بغداد 1/2/2008, 12:39 pm
شكرا لمرورك نورت الموضوع تقبل احترامي
عبير الورد عضو زين
عدد الرسائل : 30 تاريخ التسجيل : 27/12/2008
موضوع: رد: عرس بغداد 1/8/2009, 1:11 am
عاشت الايداي على هل القصيده الحلوه وانشاء الله في يوم تتحرر بغداد عبير الورد
عبير الورد عضو زين
عدد الرسائل : 30 تاريخ التسجيل : 27/12/2008
موضوع: رد: عرس بغداد 1/8/2009, 1:16 am
ملون هل العراق وصار عادي وخسر كلمن اجانه اليوم عادي بينه شماتمر صعبه عادي رضعنه رصاص ومن البندقيه عبير الورد
23/1/2008, 6:48 pm
