بعدني اشراع واعبر كوه على الريح ويا سفان يكدر يجهب اشراعي
اعرف الماي واندل حدي بالكاع وانته الكلشي ماكو وتايه ابكاعي
سويتك اكو وانته الجنت بس صوت وكلك من صرت ماتوصل اذراعي
كتلك لاتكابل مدفع ابمحجار ودمعك لاتبيعه ابقريه الناعي
فزع جفك نفط من شاف شبت نار وحشمت الذيابه ابنومه الراعي
اذا ساسك رمل معقوله كوه اتصير والك طبعي صخر واتعبك اطباعي
بيدك جان سيف وترجف من الخوف اشلون اتريد اامن من تجي اضباعي؟
بعدك ماكمت كللتلهم انا الذيب ابسدي اشكد نمت وتحرسك اسباعي
واصدكني البحر اشكد اكبر من الكون بس من العطش مايكدر ايداعي
17/12/2007, 1:35 am