><><><><><><><>

موضوع: ><><><><><><><> 11/12/2007, 12:53 am

جدمك موتعب والكاع تمشي اعليك ياخطوه تريد النوب تطفرها
بيدك هيه جانت كلت عيب اتضيع هسه ايدك الضاعت كوم دورها
ليش اتصير حايط شايله البسمار واحجاره التفشخك ليش تشمرها؟
انا بوجهي الشمس ماباوعت فد يوم جانت تستحي بس ضلي يخزرها
ولك صبري نخل شتكاطفون اعليه ماذب بس رطب والزينه لشمرها
ضاكو من يمنتي وكسروا الماعون واليسره ابكرمها وما اكصرها
وتدري ابغيرتي ماسابكتها الخيل هديت الرسن ماريد ابسمرها
وفرق بين الركاب الي هيه تذبح سيف وفرق بين الركاب السيف يبترها
كصيت الجفوف الصفكت للناس واسنوني ابوكاحه الضحكه تعبرها
هسه اتعلمت والدرس من حسين وبجروحي السيوف النوب اطبرها

وخل الكون كله ايصير طف وياي بس الا اذا طلعت مااا اغيرها

موضوع: رد: ><><><><><><><> 11/12/2007, 3:24 am

[size=29]عاشو...كلام جميل ونسج بداعهبس نتمنى ان تضع عناوين للمشاركات حتى تجنب حذف الموضوع

تقبل مني هذه الكلمات

المصايب عليه كثرا اصدها وهم ترد ترجع عليه
صرت ساحه وصرت ملعب كلها تكول اعذرني شعليه
هاي الناس ليش بسرعه تخرب نوبه تصير ذيب ونوبه تصير واوية
ولو اني اسد ما صرت ثعلب بعدني بخير ما اثرو بية تــــــــــقـبلتــــــــحـــــــياتـــــــي[/size]

موضوع: رد: ><><><><><><><> 16/1/2008, 11:12 pm

ابداعات طكوك