عشرتك روحــــــــــــــــــ ي صدك ماتملها

عشرتك روحي صدگ ...ماتملها
وگلبي ايام سعدك... ماتملها
اريد انصب لروحي... مأتم الها
واشوفك هم تجي وتبجي عليه..

لومره تمر مثل ...الشماته
وانه لنحرك ولك ياأسمر... شماته
علي مغرور گالولي ...الشماته
صحيح بشامتك تنغر عليه ..

لو تذكر رباي وياك... والعن
ولاتنغر على الي بيك ...والعين
فرضنا لو اسبك حيل... والعن
هم بغيض وك تزعل عليه..

لوتعرفني احبك... واشتمنك
لان منطي للواشي... واشتمنك
اريد اليوم احضنك... واشتمنك
واشوفك هم تذب روحك عليه ..

لو رأساً تگلي ارجوك... هدنه
وتعاركني وتريد النوب... هدنه
ولك والله العشگ وياك... هدنه
مريض انه تعال اسأل عليه..

وشوف اشلون حالي... من تسألني
لكن سيف صدك ...من تسالني
الدمع يغلب جوابي ...من تسالني
اضحك بالجذب غصبن عليه..

لان مااريد اشوفك يوم ...حزني
وتدري بسبب هجرك ولك... حزني
گلبك انت وحدك الي... حازني
وحيازه وحمل سلمتك بيديه..

lol!

Admin عدد الرسائل : 197 تاريخ التسجيل : 15/10/2007

الله عاشت الايادي

دارميات روعة

تـــــــقبلي

تـــــــــحــياتـــــــــــــي